Szerkesztés alatt
Articulus tertius, quod
utile est homini de doloribus Mariae recolere et orationes devotas facere
Tertium mysterium dicitur efficientiae sive efficaciae. Ubi circa praemissa subiungamus, quam utilem efficaciam habeat memoria compassionis Beatae Mariae et doloris eius recolendo et obsequendo devotis orationibus. Quod quidem ostenditur tripliciter.
- Primo ex auctoritate
- Secundo ex ratione
- Tertio ex revelatione
Primo quidem ex auctoritate, quoniam teste Apostolo II. Thim. II.: Si comparatur et congregabimus, ecce ergo prima efficacia utilitatis, id est congregare in caelo. Item II. Chor. I.: Sicut – inquit – socii passionum estis, ita eritis et consolationum, ecce secunda efficacia utilitatis, scilicet consolationes divinas habere. Hinc et Ecci VII. omnes ad id hortatur, ubi scribitur: Gemitus matris tuae, id est compassinis Mariae, ne obliviscaris, scilicet o homo.
Secundo ostenditur ex ratione, quia secundum quod dicit Bernardus sermone XLII.: Peremptoria res est ingratitudo, hostis gratiae, inimica salutis. nil enim augetur ingrato. At contra nil provocat Deum ad plus dandum, sicut gratiarumactio. Ut ergo provocemus Deum et Sanctam matrem eius ad ampliorem gratiam et goriam donandam, simus grati de tanto beneficio nostrae redemptionis, quod consecuti sumus per passionem christi et dolorem, ac compassionem Mariae, recolendo et devote obsequendo ac meditando. etenim ut ait Seneca libro De beneficiis: Ingratus est, qui dissimulat, ingratissimus omnium est, qui oblitus est. Haec ille, et sic patet.
Tertio ostenditur revelatione, legitur nempe in quibusdam revelationibus et memini legisse me idipsum excerptum fore ex libro revelationum sanctae Elizabeth, videlicet quod post assumptionem Beatae Mariae sanctus Iohanes apostolus cum esset anxius ex devotionis fervore Beatam Mariae in gloria caelesti videre, raptus in spiritu vice quadam vidit in spiritu Dominum Iesum cum glroia sua matres. Audivit quoque, quod ecce Beata Virgo loquebatur suo Filio Domino Iesu de doloribus, quod Christus pertulit in cruce et de compass2€, quam ipsa mater protunc sustinuit.
Et quomodo hic apostolus Iohannes protunc affuit etc. Petivit quoque Beata Maria Filium, ut spiritualem gratiam donare dignaretur omnibus, qui huius memoriam agerent devote. Et mox Dominus Iesus promittit talibus quattuor praecipua dona gratiarum: primo, quod qui eatam Mariam per dictos dolores invocaret, veram poenitentiam de omnibus peccatis agere meretur ante mortem. Secundo, quod tales in adversis custodit, praecipue in morte. Tertio, quod memoriam passionis imprimit mentibus eorum et in caelo praemum praestat. Quarto, quod talem concederet potestati Beatae Mariae, ut quicquid vellet, cum eo homine faceret, atque omnia optata sibi impetraret ad salutem.
Ergo charissime, stude Christum amare et Beatam Mariam pro suis doloribus exorare certis salutationibus angelicis venerando, id est septem adminus pro doloribus Mariae dicendo ave Maria vel Pater noster, et sic gratiam et gloriam impetrabis.