m/y:/ oka hog/y:/ zent Ioseph . az z/y:/z mari
at el akar/y:/a vala hadn/y:/ . k/y:/r/o’/l ez m
a/y:/ zent ewangeliom n/y:/lwan valo by
zonsagot teezen . k/y:/r/o’/l /y:/ollehet sok vee
lek/o’/dees/o’/k vannak doctorok k/o’/z/o’/t . De
m/y:/nd hattra hag/y:/wan az sok argua
lasokat veeg/y:/ewnk byzon wtat elenk
ben . kynek /y:/nkaab meg h/y:/hetewnk
wg/y:/ felelnek reea . zent Gergel . Orige
nes es Aranzayw zent Ianus . M/y:/ko
ron zent Ioseph . meg /y:/smertte volna
az z/y:/z mariat . /y:/maran az kez fogas
nak wtanna hog/y:/ istennel tell/y:/es vol
na ew zent meehe . Azt ees twdwan
hog/y:/ ew annak oka nem volna . Ab
ban b/y:/zonyos leween hog/y:/ az z/y:/z
maria sem/y:/ gonossabban <.>nem lee
let/o’/t volna . . Azt veel/y:/ vala kedeeg
hog/y:/ wr isten vala m/y:/nemew cho
daat es w/y://y:/onnan valo dolgot ak/-/
arna az z/y:/zzel tenn/y:/ / meeltatlannak
/y:/teel/y:/ vala magaat az nagy alazato
ssagbol : az z/y:/z mariawal tarsswl la
kozn/y:/ . Annak okaert akaraa hog/y:/
el tawozneek ew tewle isteny feele/-/
lemeert . k/y:/r/o’/l wg/y:/ mond Crisos .
O z/y:/z marianak k/y:/ /y:/elenthetetlen
d/y:/cheeret/y:/ / /y:/me lattya vala Ioseff
hog/y:/ n/y:/lwan meheben fogadot
vona . es sem/y:/ gonoz h/y:/rt hoz/y:/aa
nem gondolhat vala ./ Azonrol z/e-/t
Ber . do . meg wg/y:/ mond . Az okaert
alo/y:/tom hog/y:/ el akar/y:/a vala h
adn/y:/ t/y:/tkon . hog/y:/ magaat meg
menthesse Mert ha n/y:/lwan el /y:/zte
volna awag/y:/ el hatta volna . t/o’/r
ween zerent okaat kerd/o’/tteek volna
es azonkeppen k/y:/ n/y:/latkozott
volna az nag/y:/ t/y:/tok /y:/d/o’/nek elette : Aw
ag/y:/ kedeeg az h/y:/tetlen neep nem
h/y:/ween . m/y:/nd ewtet m/y:/nd az z/y:/z
mariat meg k/o’/weztee volna ./ M
/y:/nt leen ees hog/y:/ choda teetelee
/-/nek /y:/de/y:/n . meg keenozwan . zeer
n/y:/ew halallal meg /o’/leek az ma
gass kereztffanak agaboga k/o’/z/o’/t /
M/y:/koron azert zent Ioseph . latta vol
na az z/y:/z mariat terhesnek lenn/y:/ ees
ew zent orcza/y:/a tell/y:/es feenesseegghel
feenleneek m/y:/nt az nemes ha/y:/nal
C/y:/llag / m/y:/nt zent Ber . es Ieroni/9/ doctor
ok mong/y:/aak / eegg/y:/eert az ollyan na/g”/
chodalatus dologeert / Maseert az zepl/o’/
telen z/y:/znek nag/y:/ meltosagaert . har
madert az isten/y:/ dolognak foghatat
lansagaert . mert nem twgg/y:/a vala
veegkeppen m/y:/re veeln/y:/ . gondoll/y:/a
vala . magaat el en/y:/ezten/y:/ . es az z/y:/z
mariatwl el tawozn/y:/ . De zerelmes
at/y:/amff/y:/a/y:/ . m/y:/nd isten/y:/ z/o’/rzeesb/o’/l
lett lenn/y:/ : k/y:/ meg ees byzonwlta
t/y:/k m/y:/koron zent Gabriel nek/y:/ /y:/el
enween almaban ez nag/y:/ isten/y:/ dol
got es tanachot meg adaa twdn/y:/
mondwan Ioseph dauid keralnak
ff/y:/a Ne akar” feeln/y:/ . mariat tarsswl
hoz/y:/aad veenn/y:/ . es vele eeg/y:/wt lakoz
nod . ew nek/y:/ zolgalwan . azon t/y:/zta
zepl/o’/telenseegben m/y:/nt /y:/maran eg/y:/
maas akaratt/y:/awal ffel fogattatok .
Mert k/y:/ ew benne z/y:/let/o’/t . <…>zent
leelek wr istentewl vag/y:/on /
Ett kerdhetnee vala k/y:/ m/y:/ert nem
/y:/elent/o’/tte meg ewnek/y:/ az z/y:/z maria
annak elette ez nag/y:/ isten/y:/ tytkot .
hog/y:/ Ioseph ees b/y:/zon/y:/os lett volna
benne . Reea felelween l/y:/ra . wg/y:/
hog/y:/ twgg/y:/a vala az z/y:/z maria mert
nem kellene /y:/d/o’/nek elette senk/y:/nek
mondan/y:/ . m/y:/g wr isten nem akar
naa ./ Mert annal k/y:/l k/y:/ volna /y:/e
lentend/o’/ : k/y:/ bel ees teleek . zakarias
ban . zent[1] ersebetben . es zent Ian
/-/usban m/y:/koron az z/y:/z maria ewket
meg latogataa hazoknaal Luc j
Hogy kedeeg zent Ioseph sem mertte leeg
/y:/en meg kerden/y:/ az z/y:z mariat . monda
t/y:/k az nag/y:/ leelk/y:/ tyzt/o’/letes zemeermes
seghnek oka . m/y:/nt wr istennek z/o’/rzee
seb/o’/l hog/y:/ hallanaa es tanwlnaa meg
az isten/y:/ k/o’/wettewl /y:/elenet m/y:/at . Es
m/y:/nd ew akkoron . m/y:/nd m/y:/ kyk hall
/y:/ok mastan myndden ketseeg/o’/t el taw
oztatnank m/y:/ z/y:/wnkb/o’/l . annak m/y:/atta