Twdn/y:/ zent Bruno at/y:/ank eeleteeben
meg talall/y:/a / yme hall/y:/ok hog/y:/ ez[1] k
arhozando embernek harmad nap/y:/g va
lo halaztasa l/o’/tt leeg/y:/en . De m/y:/ oka
leeg/y:/en m/y:/nd ez eell/y:/en dolgoknak n/y:/
/-/lwabban valo okaat . chak az wr isten
twgg/y:/a / m/y:/nekewnk kedeeg k/y:/k hall
/y:/ok nag/y:/ feelelmes . k/y:/r/o’/l ha k/y:/ tebbet
akar tanwln/y:/ olwassa . zent Agoston
doctornak es Ieronim/9/ doctornak eelet
/-/eet . az zent/o’/knek eelet/o’/kben[2] . =
Harmad keppen zolwan rola . k/o’/z/o’/ns
eeges t/o’/rween . azt valhatt/y:/ok hog/y:/
m/y:/nt ember k/y:/ mwl/y:/k . ottan n/y:/l
wan valo /y:/teelet/y:/ leegzen[3] . . es azonn
al . el v/y:/tet/y:/k az leelek vala howa
melto leend istennek /y:/gassaga zerent
Awagy men/y:/orzagban ha eerdeml/y:/
Awagy purgatoriomban awag/y:/[4] po
/-/kolban[5] ./ vala k/y:/ ennek k/y://w”/le eeg/y:/eb
et h/y:/end . teew/o’/l/y://o’/g es ham/y:/s h/y:/t/w”/
nek /y:/teeltet/y:/k / wg/y:/ mond zent thamas
O azert zerelmes at/y:/amff/y:/a/y:/ . tanachot
vehetewnk az zent /y:/rasnak derekabol[6] .
hog/y:/ m/y:/ndden ember annak elette ke
z/w”/ll/y://o’/n hoz/y:/aa / m/y:/nd Idwessegheeh/o’/z
m/y:/nd halalahoz . .[7] m/y:/nd az hatalmas
b/y:/rowal valo zanweteesehez[8] : m/y:/gh
/y:/d/o’/ vag/y:/on nek/y:/ es zabad magawal .
Addeeg tarchon penitenciat zann/y:/a b
ann/y:/a s/y:/rassa es g/y:/onn/y:/a b/y:/ne/y:/th
m/y:/g az /y:/rgalmassagnak /y:/de/y:/e /y:/elen
vag/y:/on / Addeeg f/y:/zessen adossagarol
m/y:/g morha/y:/a vag/y:/on / Addeeg bekeel
l/y:/eek meg haragosawal m/y:/g m/y:/nd
ketten ez v/y:/lagon vannak . Addeegh
engheztell/y:/e meg az teremt/o’/ wr istent
m/y:/g eel ./ mert ha az sowan halaal
el /y:/eweend . m/y:/nd ez f/o’/lewl meg mo
/-/ndattakat el veez/y:/ embertewl . es fe
lette nehez oztan az mas v/y:/lagon k/o’/l
dwln/y:/ . az ewt bolond z/y:/zeknek pel
da/y:/ok zerent . hol ott senk/y:/ az eweet
masnak nem athatt/y:/a / De az /y:/rgalm
assagnak sem leezen sem/y:/ ere/y:/ . zent
gergel doctornak mondasa zerent /
arrol hog/y:/ ha / az wr isten / ew nag/y:/
/y:/gassaga zerent zorossabban /y:/teell/y:/e ee
es kemeenseegesben karhoztassa az gon
/-/oz /
Kereztt/y:/eneket honnem m/y:/nt az po
ganokat Awag/y:/ nem ./ k/y:/nek felele
t/y:/re doctoroknak mondasokbol ezenke
ppen zolhatwnk : Elezer wg/y:/ vag/y:/on meg /y:/rvan[9]
ij . petri . ij . Aquo quis superatus est . illius
et seruus est etcetera . vala k/y:/ . k/y:/nek m/y:/a
tta meg g/y://o’/ztet/o’/t . annak zolga/y:/anak
m/y:/nt ha m/y:/koron ember Cristusnak
zent zerelme es malaztt/y:/a[10] m/y:/at meg
g/y://o’/ztet/y:/k : b/y:/nnek ellene mondwan
es ez v/y:/lagnak . haat Cristus Iesusnak
zolga/y:/a / ha kedeeg v/y:/zon ellen b/y:/nn
ek m/y:/atta el ha/y:/tat/y:/k haat erdeg/-/
nek zolga/y:/a / nag/y:/obban ha k/y:/ kerez
t/y:/en leend : k/y:/r/o’/l wg/y:/ mond azon
bezeed/o’/k wtan . /y:/ob volt volna az
oll/y:/an embernek ha az /y:/gassagnak
wtaat meg ne /y:/smerte volna es az
Idwesseegnek regula/y:/aat meg ne ta
nwlhatta volna / honnem az oll/y:/an
nemes malaztossagbol hattra tert vol
na . Nam scriptum est Seruus sciens
voluntatem domini sui et non faciens va
pulabit multis / Mert wg/y:/ vag/y:/on
meg /y:/rwan []
Az zolga : az az kerezt/y:/en ember awa/g”/
zeerzetes k/y:/k wr istennek . fogadaas
zerent a/y:/anlottaak ennen magokat
es nem teez/y:/k wr istennek akara
tt/y:/aat[11] nag/y:/obban meg san/y:/argatta
t/y:/k . twdn/y:/a /y:/ll/y:/k honnem . az pogan
Masodzor wg/y:/ vag/y:/on bel /y:/rwan
t/y:/zen kett/o’/d Vrban papanak bulla/y:/
aban ./ Twdn/y:/ valo dolog az . hog/y:/
nehezebben keenoztatnak azok k/y:/k
B/y:/zon[12] kereztt/y:/enseegnek h/y:/t/y:/t es zer
zetesseegnek fogadasaat meg bontt
/y:/aak es meg zepl/o’/s/o’//y:/t/y:/k ew gonoz
eelet/o’/knek m/y:/atta / honnem azok
k/y:/k kerezt/y:/en h/y:/tneel k/y:/l . es fogadas
/-/nal k/y:/l k/y:/we mwlnak . =
Harmadzor zent Agoston ees wg/y:/
mond rola . O at/y:/amff/y:/a/y:/ kereztt/y:/e
/-/nek . Ne byz/y:/wnk benne hog/y:/ kerez
t/y:/enek vag/y:/wnk d/y:/chek/o’/dween
mert chak arrol ees er/o’/ss[13] /y:/teelet/o’/t
veezewnk hog/y:/ kereztt/y:/en newet
v/y:/selewnk / Ha kedeeg wg/y:/ nem
eelewnk m/y:/nt kereztt/y:/en embernek .