Epistola primae dominicae

7a

M/y:/koron ember t/y:/ztosseegben volna . Nem

ertek/o’/zeek meg rola az az nem tartaa ma

gaat reea ./ De hosonlaa magaat az oktalan

barmokhoz . erzeekenseegenek gonozra va

lo ha/y:/lasa m/y:/at / es hosonlatus leen ew

hoz/y:/a/y:/ok / Azert reea ke/y:/a/y:/t emberre m

/y:/nd ez zeeles v/y:/laag mondwan . lassad

ember meel /y:/ghen zeret/o’/t teeg/o’/det az te

wrad istened . k/y:/ enghemet . m/y:/nd benn/e-/

valowal te eeretted teremt/o’/t hog/y:/ zolgal

neek teenek/o’/d es eeltetneelek teeg/o’/det

Te kedeeg eellyen nag/y:/ halalatlan vol

tal rola . Azert meeltan vettet/o’/l az erek

pokolnak keenn/y:/ara Hec Hwgo .

Neeg/y:/ed okaert leeznek az nag/y:/ chodaak

ken/y:/er/w”/letesseegeert : hog/y:/ m/y:/nden terem

t/o’/t allatok s/y:/rassaak az zegheen b/y:/nesek

nek karhozatt/y:/okat k/y:/r/o’/l wg/y:/ mond A

ranza/y:/w zent Ianus . peldaat hozwan

reea . /y:/me m/y:/koron ez v/y:/lagon vala

meel chaladus ember meg haal . m

/y:/nden rokonsagh/y:/ . haza bel/y:/ nemzet/y:/

es /y:/o barat/y:/ s/y:/ratt/y:/aak . es feketeeben

/o’/t/o’/znek g/y:/azolwan . Azonkeppen embe

r/y:/ nemzet/o’/t m/y:/koron az veegsew nap

ra /y:/wt . mee/n”/ feld eghek C/y:/llagok

s/y:/ratt/y:/aak es g/y:/azoll/y:/aak . vezedelmeet

O feelsseeges teremt/o’/ es melto[1] valto wr

isten honnem gondoll/y:/aak meg ez ma

stan/y:/ neepek m/y:/nd ez eell/y:/en dolgok

at hog/y:/ erekkee el ne vezneenek / B/y:/zon

h/y:/z/o’/m nem t/o’/rneenek eg/y:/masra . ha

latnaak az /y:/ewend/o’/ / nag/y:/ vezedelmet

De m/y:/eert meg vako/y:/totta ewket az

nag/y:/ eztelenseeg . es meg bolondo/y:/to

/-/tta ez v/y:/lagh/y:/ telhetetlenseeg / b/o’/chnek

mondasa zerent

ew halaloknak wtanna eg/y:/ punctban

pokorra zalnak ./ O zerelmes at/y:/amff/y:/a/y:/

ennek ellene predicall/y:/a vala az m/y:/

eedes wrwnk Iesus az zent ewange

liomba M/y:/t haznaal em

ber vele ha meeg m/y:/nd ez zeeles v/y:/

lagot el n/y:/erhetnee ees / ha halalan

ak wtanna leelkeenek vezedelmere[2] va

g/y:/on / Es sem/y:/t vele el nem v/y:/het

De akar meel er/o’/ss . kazdag / hatalmas

leeg/y:/en m/y:/nd el maradnak tewle ch/-/

ak ennen maga meeg/y:/en zamot adn/y:/

az wr istennek ele/y:/ben / Akkoron meg