Szerkesztés alatt
Articulus tertius, quod
utile est canticum Mariae reverenter audire in Vesperis vel dicere 02
03 03
Tertium mysterium de hoc cantico Mariae dicitur utilitatis. Nimirum quam utile sit homini ad honorem Mariae devotie et reverenter audire vel perorare et dicere canticum Mariae, ostenditur tripliciter.
- Primo ex ipsius cantici verbis
- Secundo ex ratione virtualis inclusionis
- Tertio ex factis miraculis.
Primo ex ipsius cantici verbis. Nam si pensamus, verba ispa comperimus, quia quia ibi promittitur peccatoribus misericordia, cum dicitur: Et misericordia eius a progenie in progenies. Item humilibus promittitur exaltatio caelestis, ibi: Deposuit potentes de sede et exaltavit humiles. Et salutem sitientibus satietas divina, ibi: Esurientes implevit bonis, et omnibus bonis felicitas aeterna, ibi: Suscepit Israel puerum suum etc.
Secundo ostenditur ex ratione virtualis inclusionis, quia in ipso cantico virtualiter et implicite includitur tam oratio dominica???, quam salutatio angelica, quae sunt utilissimae orationes, sicut de hac virtuali inclusione notat Antoninus Florentinus in summa sua.
Nam Pater Noster, qui es in caelis, concordat cum hoc Magnificat anima mea Dominum, id est Patrem caelestem, et prima petitio: Sanctificetur nomen tuum includitur ibi: sanctum nomen eius. Secunda: adveniat regnum tuum, ibi: Exultavit spiritus meus in Deo salutari, quia haec est vita aeterna, scilicet regni Dei, ut cognoscant te Deum et quem misisti Iesum, Ioh. XVII. Tertia petitio: Fiat voluntas tua, sicut etc. ibi: Deposuit potentes de sede, quia voluntas Dei in caelo est rationalis creatura, in omnibus subiiciatur Deo, a qua voluntate aversi angeli depositi sunt de sede caelesti et humiles homines in locum eorum exaltati. Quarta petitio: Panem nostrum quotidianum etc., ibi: Esurientes implevit bonis. Quinta: et dimitte nobis debita nostra etc., ibi: Et misericordia eius, per quam dimittuntur debita a progenie in progenies timentibus eum. Sexta: Et ne nos inducas, ibi: Fecit potentiam in brachio suo, id est Christo, per quem fideles potenter defunduntur in omni temptatione. Septima: sed libera nos etc. Ibi: Suscepit Israel ect., sicut locutus est etc. Haec est enim illa libertas exclusio omnium malorum, quam promisit Deus Abrahae et semini eius in saecula etc.
Item Ave Maria, id es sine vae includitur ibi: Magnificat anima mea Dominum. Gratia plena ibi: Exultavit spiritus meus etc. Dominus tecum ibi: salutari meo, quia respexit etc. Benedicta tu in mulieribus ibi: Ecce enim ex hoc beatam. Et benedictus fructus ventris ibi: quia fecit mihi magna, et sic de aliis. Ecce ergo utilitas virtualis inclusionis huius cantici.
Tertio ostenditur ex miraculis. Ad id facit miraculum de quodam monacho, Iostio nomine, quod habetur *libro VI. parte II. ar. ultimo* in fine. Item refert Anselmus libro miraculorum, quod ipsemet cum dolorem multum pateretur in pede ex spasmo et paralisi, ob devotionem Virginis cepit conari, ut erectus staret ad officium Virginis, et per consequens etiam ad Magnificat. Quod cum facere cepisset, sanitatem consecutus est.
Recolo etiam me audisse, quod cum in quodam loco fratres devote dicerent Magnificat, visum est Beatam Virginem ex altari descendere et singulis fratrum suum Iesum quasi parvulum aad osculandum offerre, in quo mira suavitate reficiebantur omnes.
Item refert Discipulus in Promptuario, quod in Hispania in quadam domo ordinis Cisterciensis quidam monachus iuvenis in obsequio Beatae Virginis fervens et devotis ita erat intentus in eius horis et per consequens etiam in hoc cantico Mariae, ut non in singulis versibus, sed in singulis verbis memoriam ipsius haberet. Sicque XVII annis stans in ordine tandem infirmatus ad mortem. Ecce Beata Maria eum visitavit et praedixit eidem, quod die VII. ad Dominum Iesum foret migraturus. Addiditque dicens: „Quia prae cunctis mihi servivisti, intentius faciam tibi, quod nulli alii feci.” Et cingens brachiis collum osculum ei deditac eum benedixit et evanuit. Haec ille servitori instanter requirenti enarravit, die autem VII., cum appropinquaret ad exitum, sicut erat ei praedictum, apparuit sibi Beata Maria vidente priore domus cum multitudine sanctorum et angelorum, et sic dulcissima visione et allocutione consolatus feliciter migravit ad Christum.
Ecce igitur quam bonum est servire Maiae! Omnes ergo charissimi ei deserviamus tam in hoc cantico devote dicendo, quam in aliis, ut cum ea in caelo gaudeamus!