Szerkesztés alatt
Articulus secundus de affectu
devotionis, quem quilibet fidelis debet habere in gaudia Mariae
Capitulum I. 02 02 02
01
Secundum mysterium dicitur devotae habitudinis, ubi declarabimus, quali affectu et devotione debet se habere unusquisque fidelis ad gaudia Benedictae virginis Mariae. Sunt quippe gaudia eius nimis affectuosa devotis cordibusm et sedule recogitata devotionem inflammant, charitatem igniunt ac ubertate gratiae spiritualis dulcissime pascunt animum. Circa hoc autem tria sunt consideranda:
- Primo quae sunt gaudia Beatae Virginis saepius recolenda
- Secundo qualiter ista gaudia Beatae Virgnisi sint recogitanda
- Tertio quae bona proveniant hominibus per gaudia Virginis sic recordata.
Ad primum videlicet quae sint ista gaudia Beatissimae Virginis saepieus recolenda, respondeo, quod licet plura et varia, secundum quod devotorum varietas suaeque devotionis affectus in unoquoque exposcit. Tamen magis principalia virginis gaudia sunt septem, quae communius a devotis affectione sedula meditantur et coluntur.
Primum est gaudia, quod habuit in angelica anunciatione et filii Dei conceptione. Secundum est gaudium, quod habuit in visitatione et eiusdem filii Dei in utero portatione. Tertium in Christi nativitate. Quartum est magorum adoratione et divinitatis sui filii manifestatione, tum per angelos, tum per stellae apparationem. Quintum in resurrectione. Sextum in ascensione et filii ad dextram Patris consessione. Septimum in sui assumptione in caelum, de quibus omnibus gaudiis, quam multipliciter sit in unoquoque iocundata suo loco patebit.
Sunt
et alia eius gaudia, puta gaudium, quod habuit in filii inventione in
templo, in purificatione, in miraculorum Christi operatione, in Spiritus
Sancti missione et de similibus. Sed praemissa septem communius a devotis
tamquam prinipaliora solent frequentari et certis obsequiis devotionis
honorari. Licet et ista alia a plerisque soleant devotius meditari,
unde in hoc relinquo unicuique, quod sua devotio exposcit faciendum,
praemissa vero propter simpliciores volui enumerare.
Capitulum II. 02 02 02 02
Secundo considerandum hic est: qualiter ista gaudia Virginis sint recogitanda, pro quo notandum, quod quinque vult devotius ista Benedictae Virginis gaudia recogitare ac specialem gratiam apud Virginem per hoc qcquirere, praecipue quattuor modis debet se in ista gaudiorum regotitatione exercere.
Primo attente meditando, quoniam cordis evagatio si admittatur, impedit devotionem, ut manifesta docet experientia. Idcirco dicit sanctus Thomas secunda secundae q. LXXXIII., quod qui vult, quod in oratione vel cogitatione divina mens eius reficiatur dulcore devotionis, debet habere attentionem. Et Bonaventura ponit exemplum libro de Informatione novitiorum dicens, quod sicut arbor, quae dimittitur in latum ramos extendere, non crescit in altum, sed rami sunt praescindendi, ut in altum arbor exsurgat, ita evagatio mentis per latum mundum et eius negtoia impedit, ne exsurgat animus ad superna. Hinc Ps. dicit: In meditatione mea, scilicet attenta exardescit ignis, videlicet devotionis.
Secundo debet se homo in hac recogitatione exercere gratias Deo agendo, debet enim mens devota gratias agere pro beneficiis per Beatam Virginem impensis ipsi Deo, ut sic Deus provocetur ad maiora donanda, sicut docet beatus Bernardus et Gregorius: Qui vult – inquit – esse dignus dandis, grates agat de datis. Et hoc maxime placet Beatae Virgini, ut homo de seipsa Virgine aria et pro se gratias agat Deo in beneficiis per eam acceptis et gaudiis ipsi, scilicet Mariae ac nobis cumulatis. Propterea et ipsa gratias egit dicens: Magnificat anima mea Dominum, ut exemplum nobis daret gratias agendi Deo de beneficiis, quibus eam et totum genus humanum laetificavit.
Tertio debemus gaudia Virginis recogitare intime congratulando, debemus quippe congratulari Benedictae Virgini in eius gaudiis. Unde ecclesia canit in eius persona invitando ad id, et dicit: Congratulamini mihique diligitis Dominum, quia cum essem parvula, placui altissimo et de meis visceribus genui Deum et hominem. Profecto maxime debemus Beatae Virgini congaudere, quia omnia eius gaudia ad nostram pertinet maximam utilitatem. Et hac nimirum congratulatione cordis nostri transformamur in cor et amorem Benedictae Virginis et mira devotione suavitatis infundemur, ut sentiamus, quae ipsa in his gaudiis sentiebat, ut claret experimento. Unde Hugo de Arra Sponsae dicit: Scio anima mea, quia amor est vita tua et ipsa vi amoris in eius, quem diligis similitudinem transformaris. Haec ille.
Quarto debemus recogitare gaudia Virginis certa oratione obsequendo et honorando, ut saltem unum Ave Maria ad minus dicamus ad singula eius gaudia, aut aliquam devotam orationem, collaudationem aut benedictionem. Unde Sap. VI.: Cogitare de illa sensus et consumatus. Et qui vigilaret, scilicet in oratione, propter illam cito erit securus. Haec ibi. Item Ecci. XXXIX.: Confitemini illi in voce labiorum vestrorum???etc. Hinc Beda dicit: Exoranda est clementia Salva
toris iugiter, ut Beatae
Matris eius memoriam congruis officiis nos digne faciat venerari.
Hoc etiam ecclesia petit in oratione ad primam Virginis Benedictae
dicens: Deus, qui aulam virginalem, in qua habitares eligere dignatus
es, da quaesimus, ut sua nos interces, mundo iocundos facias suae interesse
commemorationi. Qui itaque praemissis modis gaudia Beatae Virginis
recolit, profecto gratiae eius consolatione non carebit, nisi aliunde
assit impedimentum etc.
Capitulum III. 02 02 02 03
Tertio in hoc articulo videndum restat, quae bona proveniant hominibus per ipsa gaudia Virginis sic meditata et recordata. Ubi advertendum est, quod sicut ex multis revelationibus et miraculis colligere possumus, plurima bona aquiritur et acquirere possunt devoti per istorum gaudiroum recordationem, sicut et a pleris qcquisita meritis Beatae Virginis comperiuntur.
Primum bonum est gratiae spiritualis impetratio, nam sicut attestati sunt sancti fratres socii, videlicet sancti Bernardini de Senis ordinis minorum. Dum ipse, videlicet Bernardinus viveret oretenus, dicebat, quod omnem gratiam, quam haberet vel habuisset, per devotam recordationem gaudiorum Beatae Virginis, pro quibus singulis diebus solutis erat perorare coronam Virginis acquisisset et obtinuisset etc.
Secundum bonum, quod provenit est devotionis inflammatio, ut certa docet experientia et iam supra tacutm est. Referebat mihi quidam frater ordinis minorum laudabilis utique vitae, quod ipse singulis diebus certo numero diceret Ave Maria recordando Virginis gaudia. Et quod quandocumque hoc faceret, mirabiliter inflammaretur et ineffabili dulcore devotionis igniretur.
Tertium bonum est in morte protectio et laetificatio. Congruum enim et dignum est, ut qui in praesenti gaudia nunciat Virgini, in tempore angustiae mortis et in futuro laetificietur effectus particeps gaudiorum eius, ut dicit Anselmus in libro Miraculorum c. XXII. Ad id referendo tale miraculum, quod quidam clericus devotus Mariae quotidie contra dolorem quinque vulnerum Christi sic Mariam consolabatur dicens: „Gaude, Dei genetrix, Virgo immaculata! Gaude, quae ab angelo gaudium suscepisti! Gaude, quae genuistis aeterni luminis claritatem, gaude mater, gaude Sancta Dei genetrix Virgo, tu sola mater innupta, te laudat factura. Genetrix lucis, sis pro nobis, quasumus perpetua intuentrix ad Dominum Iesum Christum. Et haec anthonomastice??? frequentatur in scholis. Cumque languore correptus ad extremum venisset, cepit nimio pavore turbaru et anxiari. Cui apparuit Sancta Maria Virgo dixitque ei: „Cur tanto timore trepidas, qui totiens mihi gaudium nunciasti? Ne paveas, quoniam nil mali patieris, sed gaudii mei, quae saepius praecinebas, particeps eris.” Audiens haec ille putavit se sanitati restitutum et dum se cum laetitia erigere vellet, anima eius egressa est e corpore et in caelestia gaudia evolavit. Ergo pensandum est, quanta devotione debeat revereri Beatam Virginem, quae sibi servientibus non desinit auxiliari. Haec Anselmus.
Quartum bonum petitonum exuditio. Non enim dubium, quin Beata Virgo devotis intercedat apud Filium, cui non est pro has negare, quicquid petierit. Unde Bernardus libro De laude Virginis: Data est tibi potestas, o Maria in caelo et in terra, ut quicquid volueris, valeas impetrare. Hinc communis opinio fertur in regno Hungariae esse, quod quisquis ad memoriam gaudiorum Virginis et praecipue eius gaudii, quod habuit in conceptione et portatione in festo annunciationis eiusdem Virginis aut reliquis festivitatibus eius mille Ave Maria compleverit, quicquid petierit, impetrabit, sed hoc verum esse putes non necessario, et cum hoc observatis conditionibus, quae requiruntur ad hoc, quod oratio exaudiatur, ut scilicet petatur id, quod est ad salutem, et hoc pro saepie et humiliter ac perseveranter et fideliter.
Ad praemissa confirmanda facit etiam miraculum, quod *articulo tertio huius partis subscribetur.* Hoc solum ad praesentes???? admoneo, hoc exortor, ut omnes ad Benedictam Virginem et eius gaudiorum recordationem habeamus devotionem. Omnes ad eam fugiamus et ei pio affectu deservire studeamus pro certo scientes, quia ipsa mater misericordiae, ipsa mater gratiae, ipsa mater pietatis. Adest et praesto est auxilium impendere omnibus invocantibus eam in veritate. Hoc est, quod devotissimus Bernardus dicit: Sileat – inquit – misericordiam tuam, o felicissima Domina, quicumque in suis necessitatibus te meminit invocatam auxilium sibi defuisse etc.