M/y:/nemew lelk/y:/ /y:/smeret/o’/t keel ember
/-/nek k/o’/wethn/y:/ hogy Idwesseegenek haz
/-/nalatt/y:/ara leeg/y:/en[1] : Oka ez mert me
nee sok zamtalan gondolatt/y:/a tamad
hat embernek z/y:/weeben . /y:/o<.>[2] es gonoz
Annee zamtalan lelk/y:/ /y:/smeret/y:/nek
z/y:/kra/y:/a ees tamadhat ew leelkeeben
k/y:/k k/o’/z/o’/t ha nem twdand valaztan/y:/
hamar vezedelemben eshet/y:/k[3] ember . k/y:/
/-/r/o’/l wg/y:/ mond zent Bernald doctor . Nem
alo/y:/tom hog/y:/ /y:/ghen melto leeg/y:/en az
erek Idwesseegre . vala k/y:/ ennen /y:/smere
t/y:/nek wtaan nem /y:/aar : Doctoroknak
azert mondasok zerent N/y:/olcz rend bel/y:/
lelk/y:/ /y:/smeret/o’/ket talalwnk ember/y:/ eelet
/-/ben . k/y:/kb/o’/l meg /y:/smerhet/y:/ m/y:/ndden
ember magaat ha /y:/o . awag/y:/ vezedel
mes lelk/y:/ /y:/smeret/y:/ leeg/y:/en =
Elssew mondat/y:/k felette vakmer/o’/nek
k/y:/r/o’/l wg/y:/ mond zent Ber . do : Nemeel
lelk/y:/ /y:/smeret vag/y:/on . /y:/ollehet ennen
magaban cheendez demaga nem /y:/o . M
/y:/nt k/y:/k . bochanatnak remeensege alat
veetk/o’/znek : Mondwan . ah nem gond/-/
/-/ol aproleekkal wr isten . Az oll/y:/an lel
k/y:/ /y:/smeret felette feelelmes es atkozot
wg/y:/ mond zent Agoston do : Pelda m/y:/
nek/w”/nk Adam ewa . Azonban es/y:/k
Anticristus ees . ij sniarus azert atkozot
leezen . Masod lelk/y:/ /y:/smeret monda
t/y:/k felette zeelesnek . M/y:/nt k/y:/k boch
anando b/y:/nnel es eell/y:/en ollyan ha
lalus b/y:/nnel sem/y:/t nem gondolnak
hanem ha kezeeben fogh/y:/aak : m/y:/nt
k/y:/<k> istenre . az zent/o’/kre awag/y:/ lelkeere
esk/w”/z/y:/k sem/y:/nek twgg/y:/aak ha nem
ha az b/y:/ro eleeben vonz/y:/aak / k/y:/r/o’/l
wg/y:/ mond zent Esa/y:/as proffeta ken/y:/
weenek ewt/o’/d rezeeben . /y:/a/y:/ annak
k/y:/ az gonozt /y:/onak : es az /y:/ot gonoznak
mong/y:/a . az v/y:/lagot seeteetnek <.z> az
homalt v/y:/lagnak : De vannak oll/y:/ak
k/y:/k azt zoktaak[4] mondan/y:/ : en vez/o’/m
b/y:/nnee awag/y:/ nem twdom halalus
b/y:/nnek es nem veetk/o’/z/o’/m benne Reea
felelween zent Tamas . Bonauentura
hog/y:/ nem menek/o’/d/y:/k meg ember ra/y:/
/-/tta : mert wr istent senk/y:/ meg nem ch
alhatt/y:/a k/y:/ m/y:/ndent n/y:/lwan twd es
/y:/smeer[5]
Harmad lelk/y:/ /y:/smeret vag/y:/on felette r/y://-/
w/y:/d . es zoross . m/y:/k m/y:/koron k/y:/ az k/y:/n/y:/ bo
chanando b/y:/nt ees nag/y:/ neheez halalosnak
/y:/teel/y:/ pelda m/y:/nt k/y:/ trwffaban ham/y:/ss be
zeed/o’/t zalazt k/y:/wel senk/y:/nek nem arth[6]
Awag/y:/ almaban f/o’/rtelmet[7] zenwed . m/-/
/y:/ndden gonoz akaratnaal k/y:/l / Awag/y:/
ha zokot /y:/machagaban el haag/y:/ . sok dol/-/
ga m/y:/at / Ez eell/y:/en zeerzetesseeg sem d/y:/
cheeretes . Mert wg/y:/ mond az /y:/raas / Medium
tenere beatum est . k/o’/zbe vet/o’/t dolgot tar
chon bodoggaa leezen . k/y:/r/o’/l wg/y:/ mond
zent Ber . do . Quod est nimium vertitur in vicium
Akk/y:/[8] . felette vag/y:/on . b/y:/nnee leezen Et
ecclesiastici vij / Ne leeg/y:/ . felette /y:/gaz awag/y:/ .
zent . erthween tennen alo/y:/tasod zerent
Awag/y:/ ./ b/o’/lcheb annaal . m/y:/nt z/y:/kseeg
es /y:/ll/y:/k lenn/y:/ : zent pal apostol . meg <.>
azont byzono/y:/tt/y:/a . Noli altum sapere sptime /
Neeg/y:/ed lelk/y:/ /y:/smeret vag/y:/on megh
haborodot / M/y:/koron ember k/y:/lemb k/y:/
lemb z/y:/weenek gondolatt/y:/aban es/y:/k
es nem twd m/y:/t tenn/y:/ . O meel ham
ar ketseegben es/y:/k az oll/y:/an ember .
Annak okaert z/y:/kseeg /y:/ollehet akkoron
ember . az banat es keser/w”/seeg . De
nem keel magaat nek/y:/ erezten/y:/ . ha
nem wr istennek zent /y:/rgalmassa
gahoz keel fol/y:/amn/y:/ es az v/y:/gazta
lo zent leeleknek malaztt/y:/aat keer
n/y:/ . k/y:/ m/y:/at m/y:/ndden nehesseeg
meg fe/y:/tet/y:/k / m/y:/ndden ketsseegh
meg b/y:/zonwltat/y:/k / es m/y:/ndden
t/y:/tok ky n/y:/latkoztat/y:/k wg/y:/ mond
zent Ber . doct . =
Ewt/o’/d lelk/y:/ /y:/smeret vag/y:/on . f/o’/r
telmes : k/y:/k m/y:/koron . mast lathnak
akar m/y:/nemew b/y:/nben esn/y:/ . felette
/y:/ghen wtall/y:/aak es z/y:/dalmaz/y:/ak
zem latomast . ewk[9] kedeeg ezer an/-/
neewal nag/y:/obbat teeznek k/y:/r/o’/l
sem/y:/ Constienciat nem tarthnak .
Pelda ha k/y:/ pent/o’/k/o’/n zombaton
nem be/y:/t/o’/l . nag/y:/[10] b/y:/nnek vall/y:/ak
De ha ewk zegeen/y://o’/ket[11] n/y:/wznak
foztnak es artatlan vert[12] onthn
ak awag/y:/ eeg/y:/eb vezedelmes by/-/
nben[13]